大型籌款節目《明愛暖萬心》，將會今個星期六晚舉行，呢日冼靖峰、丁子朗、力臻、魔音女團及Honey Punch齊齊為演出排舞，之前Archie同丁丁因《亞洲超星團》合作無間，而呢次兩人再有機會合體一齊跳唱。
丁丁竟然話有啲壓力，事關佢話自己好耐冇唱歌同跳舞，所以難免有生疏，好彩今次有Archie、魔音女團同Honey Punch一齊陪住佢，佢覺得冇咁擔心，Archie就反而話今次因為有丁丁喺度，令佢更加要push自己做得更好。
魔音女團嘅莊子璇、盧映彤同倪嘉雯，亦好期待呢次演出，Hilary呢日仲帶病嚟練舞，要參與咁大型嘅表演，Carmen就話比之前佢選女團嗰陣仲緊張呀！
Honey Punch話咁快出道一周年，隊長楊芷喬早前仲去咗日本交流，呢日佢終於歸隊同隊員合體排練。
