已淡出多年嘅 姚正菁 早前宣佈將復出幕前，唔止會拍攝取唔同作品，更已貫錄多首歌曲進軍樂壇，更有意挑戰「新人獎」。佢仲同經理人 林寶玉 討論MV拍攝細節，雖然製成品尚未派台，不過公司就迅速開拓經理人部，又擴充辦公室準備大展拳腳，姚正菁同經理人林寶玉仲盛裝出席。
姚正菁表示最近忙於開會討論發展方向、錄歌，重拾當年嘅忙碌：「而家最大改變就係每一日都覺得時間唔夠用，因為要去練歌、要做運動減肥、要拍一啲生活或者旅行片段post上社交平台！原本想送花籃俾老闆，但Sam哥話唔使，出席切燒豬就得啦，好老闆唔想員工破費！」
佢又透露將會參加商演，心情非常緊張：「嚟緊都係唱歌同商演，我暫時都可以適應得到！以前主要拍劇集，而家啲時間就冇咁緊張，。不過突然變返咁高強度嘅工作量，有啲似幾十年前剛入行嘅感覺。」
而林寶玉身為經理人，要重新打造姚玉菁，不過佢竟然話老闆冇要求「跑數」：「本身同菁菁都認識，所以冇咁大壓力，當知道要做佢經理人嘅時候，個focus係諗點可以做到最好，做啲乜嘢對佢最有利，點樣令佢更好。老闆冇俾壓力我哋，只係叫我哋做到嘅就盡量做。」