現今科技日新月異，A.I.嘅改圖與合成圖相當逼真，令網上多咗好多令人難分真假嘅合成圖。日前就有網民PO出數張表示係溫布頓網球錦標賽冠軍戰嘅照片，當中除見到多位荷里活頂級明星之外，仲可見有觀眾與已故女星李玟相當相似，令佢將圖片放上網請教一眾網民。
樓主於帖文中寫道：「昨天溫網冠軍戰的照片⋯右下角的女士也太像李玟了吧⋯而且每一個角度都像⋯」帖文一出引起唔少網民留言，指出照片其實係早於2018年拍攝，並指出坐於Coco旁邊嘅正係二家姐 李思林（Nancy）。
睇過網民嘅回覆後，樓主亦隨即更新回覆話：「謝謝網友們解答！結果這是2018溫網的照片，那就當緬懷一下Coco吧🥲（在看今年溫網的照片結果竟然出現這張，當下真的嚇到以為誰這麼像李玟）」同時亦令唔少網民於留言區緬懷呢位離世轉眼已3年嘅已故天后。
