中年好聲音4丨陳旭培負傷攞高分勇奪MVP 梁漢文讚因禍得福交出最佳水準

TVB歌唱真人騷《中年好聲音4》喺星期日晚上播出，陳旭培喺出場前，練習舞步時不慎扭傷腳，只好撐拐杖上台比賽，忍痛獻唱陳奕迅歌曲《阿士匹靈》得到95高分，成功勇奪MVP。

旭培唱完後覺得隻腳好痛，有少少麻痺感，痛到要坐輪椅等白車送院，佢擔心腳傷影響之後比賽，幸好檢查過後只係普通拉傷，休息幾日便可以康復。

梁漢文呢集擔任嘉賓評審，揀咗陳旭培奪得MVP，梁漢文話揀陳旭培時，唔知對方去咗醫院。梁漢文回想早年喺季選負傷拎住拐杖盡力演唱《艦隊》，當時梁漢文又係綵排整親，梁漢文覺得有時就係因受傷，有種神來之筆力量，唱得反而比平時好咗。