游嘉欣 早前飛抵美國放假旅行，仲化身狂熱球迷入場朝聖，現場觀賞西班牙對決德國嘅刺激比實。首次於現場感受震撼球賽氣氛，令嘉欣顯得相當興奮，於包廂邊嘆冰涼飲品邊睇波再影相留念，雀躍心情不言而喻呀。
睇波之後，佢亦趁難得到訪當地，轉往賭城拉斯維加斯繼續行程，更到訪近年嘅火熱新地標「Sphere」打卡朝聖。不斷影低呢個耗資高達 23 億美元打造；目前全球最大嘅球體建築，仲入場親身體驗4D演出，然後又拜訪地獄廚神Gordon Ramsay名下嘅餐廳，非常充實。
除咗行程豐富之外，嘉欣嘅穿搭亦成為大家嘅焦點，佢喺Vegas嘅靚相中，就可見佢以大露背性感造型亮相街頭，毫不吝嗇大騷光滑玉背同腰線，展視佢健康又帶小性感嘅女神氣場。
