長壽處境劇《愛・回家之開心速遞》劇集即將步入尾聲，劇中八十幾位演員呢日密集式拍攝煞科戲份。由 劉丹、 羅樂林、 鍾志光、 陳榮峻 組成，備受觀眾喜愛嘅「大四喜」組合，就帶住大家一齊Rap住講「後會有期」，十足十開畢業Party般咁熱鬧。
劇集向觀眾傳遞多年快樂，作為熊家、龍家話事人，丹爺 同 羅羅攣 就繼續帶住兩家人齊整嗌出家族口號。佢哋感謝台前幕後近十年嘅共同努力，至於 區瑞偉 就感慨萬分，感激觀眾支持。
劇散情未散，一眾演員每日朝夕相對，感情好到同真正嘅家人一樣！ 林漪娸 都話有時大家拍完劇就散，未必做到朋友，但《愛・回家》嘅演員唔一樣，拍完劇都會係朋友。大小姐 林淑敏 仲讚 張景淳 好貼心，送咗一張佢同 許家傑 嘅「蓮輝」合照俾佢哋留念，上面仲寫咗「Get well soon」祝右腳受傷嘅阿Jack早日康復。
