第一屆《中年好聲音》嘅100強舉行晚宴， 肥媽MariaCordero、 韋綺姍Rita、 張佳添、 車婉婉 等都有現身同一班中一生聚舊，喺場內載歌載舞仲勁過比賽嘅舞台。
轉眼間中聲已經嚟到第四季，一直陪伴住節目成長嘅嘅肥媽、Tim Sir同婉婉等，仍然對當年嘅參賽者印象深刻，唔少過程點滴都喺腦海裡面。肥媽呢晚更評審上身，見到班學員們唱歌即評分，笑言有人進步有人退步，但每個人嘅特徵佢仲好記得。而Tim Sir就話最難忘係 吳大强 同韋綺姍合唱時，大強鍚咗Rita老師一啖，場面好甜蜜。
《中年好聲音4》登峯之戰 鐵定於8月23號晚喺啟德舉行，門票於7月20號開始公開發售，肥媽知道後有如放下心頭大石，佢話舊年好多朋友打俾佢撲飛，多到佢要熄電話唔敢聽，呼籲今年大家去買飛，手快有手慢無。
現場仲特別掛起咗一張中一生100強嘅海報，大家睇返都勾起好多回憶， 周吉佩、 顏志恒、 李佳、 涂家堯、丁文俊 仲將呢幅海報稱為十八銅人。至今一班戰友仍然有聯繫，多得家堯成日樂做娛樂搞手，吉吉同Benson仲大爆家堯參賽目的，一班兄弟聚首一堂真係無所不談。
