譚俊彥、 陳曉華、 梁凱晴 同 林秀怡 四位《重症解密》嘅主持，一齊作客《流行都市》，阿Shaun話今次能夠接受大王 安德尊 嘅訪問，可以話係圓夢，佢笑言唔似秀怡姐咁成日喺《流行都市》節目出現。 myTV SUPER重溫午間王牌節目《流行都市》
秀怡話聽到阿Shaun喺節目入面，以智慧與美貎並重嚟形容Hera後就停咗繼續介紹，令佢內心充滿疑問，所以一定要向阿Shaun問個究竟，而阿Shaun就解釋指原本想介紹埋同樣係港姐嘅晴晴。Hera同晴晴即幫口話秀怡都好重要，係性感擔當。三位女士嘈過不停，阿Shaun苦笑話每日開工就係咁，不過大家相處得好開心，好似喺劇組咁，日日一齊食飯傾偈。
Hera為咗準備入劇組，喺拍攝《重症解密》時不停減磅瘦身，一班拍檔都大讚Hera嘅毅力，仲不停克服阿Shaun嘅零食誘惑。