顏米羔作客中聲老友清談節目 快閃韓國跟偶像近藤真彥合照

劉威煌 、 梁浩賢 同 甘永傑 主理嘅網上清談節目，今次就邀請咗中聲老友 顏米羔 擔任嘉賓，佢哋除咗暢談近況，當然要唱吓歌畀在場粉絲聽啦！由以往喺網上做嘅清談節目，到今次變成首次線下粉絲專場，甘永傑都話比預計中嘅進度更理想，因為節目只經營咗兩個月，經已有首場線下音樂會。

米羔早前快閃韓國欣賞日本巨星近藤真彥嘅演唱會，仲有機會入到後台同偶像合照，佢話自己由細到大都聽住偶像嘅歌能夠有幸見到本尊，係意想不到，佢大讚偶像好有親和力、好有型。