謝霆鋒 父親「四哥」謝賢早前離世，消息震撼娛樂圈，據指四哥後事低調辦妥後先向外界公開。而正於內地準備開騷嘅霆鋒，當時亦低調返港，陪伴家人同遵照父親生前要求低調安排嘅願望。雖然面對至親離去嘅沉痛打擊，不過霆鋒依舊展現極高專業精神同敬業態度，完成家事就現身青島，為周六晚嘅演出準備。
霆鋒星期六中午於社交平台公開全新綵排圖片，相中嘅霆鋒全情投入舞台為演出準備，霆鋒日前曾於悼念文提到，父親生前曾講過「The show must go on」要以最瀟灑、最完美姿態俾觀眾欣賞。今次佢選擇化悲痛為力量，如期登台為歌迷獻上演出，既係對廣大歌迷嘅責任，亦係對父親四哥演藝精神嘅傳承，帖文更獲無數歌迷同網民留言為佢打氣。
