佘詩曼 以一身低胸性感裙現身活動，吸引大批粉絲捧場，阿佘日前重返母校，獲舊同學以AI神還原校服造型，不過阿佘都話收到母校送贈嘅校裙，返到屋企更即時試着，成個校園生活回憶即刻返晒嚟，問到阿佘讀書時係咪乖學生時，會否改短校裙？阿佘就笑笑口話自己都會追上時代尖端。
謝賢日前離世，阿佘亦發片悼念四哥，佢話呢件係唔開心嘅事，但四哥為人風趣開朗，所以都要秉承佢呢份精神，繼續努力工作。佢又分享同四哥合作時，四哥相約佢同馬國明食韓燒，仲堅持要請客。佢又大讚四哥永遠都腰骨挺直有型，係大家學習嘅榜樣。
日前有報道指阿佘在擁五個物業總值過億，其中一個單位仲每月放租8萬5千蚊，阿佘都大方回應相關報道，話最感恩係租客無縫承租，仲要係好好嘅租金價位。佢又大方承認擁多個物業，在上海亦擁有物業。活動上仲有馮允謙、雲浩影同藍奕持同台獻唱，為活動增添氣氛。
