近年憑《新聞女王》等重頭劇事業再創高峰嘅 高海寧 ，於內地同香港雙線同步發展，年前演出《三十而已」後已成為兩地皆炙手可熱嘅熱門女演員。
高Ling主演嘅最新重頭劇《夫妻的博弈》，8月3號就於翡翠台播出，新劇故事講述女主角高Ling飾演嘅女主角 姜幸如 不幸患癌，仲慘遭丈夫同閨蜜背叛更聯手害死。死而復生嘅佢意外重生，仲重返5年前。佢憑預知能力同實力重返職場，帶領女性同事一路對抗渣男、擊退綠茶，重拾人生主導更展開精心復仇。
除咗《夫》同正處幕後製作階段嘅《璀璨之城》兩部佢都有份演出嘅重點劇集，高Ling近日就於佛山出席新劇開鏡，參與改編自亦舒同名小說《開到荼蘼》嘅都市劇演出。
高Ling將同內地當紅頂流 白鹿 首度合作，白鹿劇中扮演一名步步為營嘅復仇女主角「王韻娜」，而高Ling亦將飾演故事關鍵角色魏淑東，同劇拍檔仲包括型男 彭冠英 同新晉小生 常華森。
《夫妻的博弈》8月3號起 星期一至五晚 20:30 翡翠台