受颱風紅霞影響，唔少藝人嘅演出同活動都需緊急調動或取消，而周慧敏今晚將喺温州，聯同邰正宵、曹格、徐懷鈺、伍思凱、李聖杰等，舉行一場群星演唱會。為免影響演出，Vivian決定提前一日喺深圳出發飛往當地，佢慶幸比佢哋早起飛嘅航班一班接一班被取消，唯獨佢所乘搭嗰班就倖免可以順利起飛。
Vivian話雖然延誤咗少少時間，但最終可以平安抵達温州，佢都覺得好感恩。為免令歌迷擔心，Vivian一抵埗就即刻上載照片報平安。唔少粉絲得知Vivian 安全，都紛紛留言「嘩，真是福星駕到，哈哈哈，演出順利圓滿」、「晚安姐姐，我也特別害怕你的航班被取消，說明還是很有好運的」。
