曾以「20世紀最後的末代美少女」之姿紅遍全亞洲嘅日本女星 廣末涼子 ，2023年因與廚師 鳥羽周作 嘅婚外情風波，之後同二婚丈夫 Candle June離婚，事業受摧毀式打擊，新片、廣告、專欄等工作全面停止而一度暫停活動。
事隔兩年後，佢宣佈離開合作多年嘅經紀公司，自設新公司並擔任社長獨立發展。不過去年就於靜岡縣發生車禍，事後更因襲擊護士而遭警方拘捕，認真係鑊鑊新鮮。
經過數年嘅沉寂同低潮後，呢位昔日女神近日正式回歸，舉辦3場生日演唱會重新出發。於剛落幕的生日演唱會上，廣末涼子再度登上舞台，吸引大批未離棄佢嘅忠實歌迷到場支持。
見到歌迷不離不棄，她備受感動，隨後在社群平台上發文向粉絲真情告白：「這三天讓我再次深刻感受到，自己一直被最珍貴的大家所支持著。從心底感謝每一位支持我的朋友，真的非常謝謝大家✨」
