《愛．回家之開心速遞》拍咗咁多年，唔知各位演員又記唔記自己第一日開工係拍咩場口呢？三太就好記得佢第一戲係喺百貨公司，向售貨員提出一啲意見。
至於 陳浚霆 風少仲摷番當年拍第一場戲嘅通告出嚟，佢話第一場廠景，係拍佢喺辦工室嘅戲份，而外景首場戲，就係去咗大排檔取景。
而 鍾志光 飾演嘅龍敢佳第一場戲份，就係交代佢同二太之前係男女朋友，後來浪跡天涯，之後又返嚟初戀cafe，兩人再次重逢，為咗令二太唔好多心，龍敢佳仲要揾女同事扮女朋友試圖擊退佢。
何晉樂 飾演嘅龍舟亦都好入屋，佢最難忘一集，就係當時要以滿臉鬚根，不修邊幅嘅樣示人，佢話呢集對佢嚟講好大突破，係佢真正跳出自己框框，放低包袱去用心演繹，佢特別要多謝三太樊亦敏，帶領佢投入呢個角色。
三太仲自爆當年係自己去敲監製嘅門，去爭取三太呢個角色，估唔到又真係比佢成功，一做仲做咗咁多年，在旁嘅歐瑞偉都覺得係一種緣分，仲唔覺意輕搭住三太唧膝頭久久未鬆手，搞到坐喺側邊唧李偉健都忍唔住温馨提示，場面相當搞笑。