《愛．回家之開心速遞》即將告別觀眾，其實當中多位成員都係TVB重要演員，多年來參演作品無數，好似花名「囉囉攣」嘅「龍生」 羅樂林 就曾被挑通眼眉嘅觀眾發現，2011年4月於TVB播出嘅各部劇集當中，竟然一日死足幾次黑到反光，真係大吉利是咩死法都經歷過，呢件事仲令佢揚威海外呀。
原來呢次就連外國傳媒都關注，威哥就指當時戲接戲，雖然部部都結局麻麻地，不過呢次笑料就真係夾都夾唔到咁啱，而從影多年亦可以話深刻角色無數﹐而同 劉青雲 合作《大時代》中嘅瘋言瘋語師傅，更成為佢從影中嘅一大得意之作。
《一周星星》星期日晚 22:35 翡翠台