偕羅家英出席撀友高金沛壽宴 下月將夫妻檔廣州開騷

汪明荃同一向好支持粵劇發展嘅 高金沛 係相交多年嘅撀友，日前Liza姐同老公家英哥，就一如往常出席高金沛嘅壽宴，Liza姐以一身紅橙色服裝現身，喜氣洋洋，而家英哥亦繫上紅色嘅頸巾去賀壽。

之前Liza姐透露，喺未來四至五年內，有意淡出演藝圈，但目前所見，佢嘅工作檔期仍然排得密密麻麻，好似下個月Liza姐將會同家英哥喺廣州舉行巡迴演唱會，呢次亦係阿姐同家英哥再度合體嘅大型演出，相信劇迷們一定好期待。