由 譚俊彥 陳曉華 林秀怡 及 梁凱晴 聯手主持嘅資訊節目《重症解密》，將會為觀眾拆解健康迷思，Shaun呢位高級調查主任，帶住三位調查員，帶大家走進重症調查科進行大揭秘，喺呢間病房入面仲埋藏咗個彩蛋。
Shaun就指住病床，話明顯呢間病房都係同一個「宇宙」入面，Hera就踎低見到張病床貼住「明成北醫院」，而秀怡就話節目組相當認真，因為病房入面所有嘢都係真嘅，就連一啲教授嚟到都話佢哋做得好好。
參觀完病房，佢哋四個就帶大家由調查室走到實驗室，每個場景嘅佈置逼真情度滿分，佢哋仲一一分享內裡嘅機關。
節目以戲劇方式加上專家解答疑問，令大家可以以簡單易明方式，對唔同病症有所了解，Shaun話教授們就好似嚟同佢哋上堂一樣，令佢哋吸收咗好多智識，佢仲話拍呢個節目期間睇多咗好多醫生，所以身體好咗好多。而梁凱晴就話去咗好多唔同醫院，見識到好多新科技同儀器。秀怡就指自己拍完呢個節目後，覺得自己有疑病症，成日縈住自己都有呢啲病徵，同時又覺得大家嘅生活習慣真係好唔健康。
《重症解密》今晚起 星期一至五晚 21:30 翡翠台