下個月就會舉行決賽嘅香港小姐競選，12位候選佳麗早前由幾位師姐 馮盈盈 黃嘉雯 同 陳懿德 帶領下，到湖南長沙一齊參與考驗之旅，當中嘅過程更剪輯成為節目《香港小姐湘遇記》。
myTV SUPER重溫《香港小姐湘遇記》
呢日15位靚女一齊現身記者會宣傳，仲分享此行嘅難忘回憶，而FYY就話見到行程中嘅幾位組員，覺得佢哋狀態變得更好，靚咗又自信咗，令佢覺得眼前一亮。而幾位組員陳梓穎 周芳姿 魏欣 同 李澄晴 就覺得很行程中欣賞到嘅當地傳統技藝表演「打鐵花」印象最深刻呀。
至於 德德 亦同樣認為組員更進入狀態，仲指佳麗們每一個挑戰都非常唔簡單，而成員 袁絲珩 李澤欣 湯家長琳 楊媛媛 就話經過一段時間相處後，佳麗之間已由當初嘅陌生拘謹，慢慢成為交心好友喇。
而Carmaney就擔心組員嘅壓力，特別喺手機開群組方便師妹們請教同交流，仲話可以大家隨時約食飯，非常貼心。
《香港小姐湘遇記》星期日晚 22:05 翡翠台