新劇《夫妻的博奕》下星期一首播，劇中演員今日先出席宣傳儀式造勢，當中 高海寧 馬國明陳曉華 郭柏姸 黃智賢 鄧志堅 等一齊現身，仲有大批Fans到場支持。故事講述高Ling被老公 張頴康 同綠茶閨密 郭柏姸 背叛，帶病嘅佢逆襲改變生命成為幸福女性。
高Ling就指劇中經歷晒所有女性都認為遇到一定非常唔開心嘅事，其中一段時間連自己都感到抑鬱低潮，不過拍攝後半段開始反擊，亦連心情都高漲返，更以一個「爽」字形容呀。
而馬明呢位護花使者，就被安排成為高Ling身邊嘅守護天使，仲被讚每次出場都自帶光芒呀。而要挑戰綠茶角色仲害姊妹嘅Rosita，就慶幸自己呢次算係成功演繹，仲話嬌聲嗲氣連自己都覺得煩呀。
呢日佢仲被爆劇中床戲多不勝數，更有唔少都係主動出擊擒拿張頴康，兩人更由尷尬到後來演出非常自然呀。
而 黃智賢 同 黃文慧 故事中係兩嫲孫關係，阿Ben仲會同細佬馬明爭奪繼承身份，佢仲話嫲嫲將兩個孫玩到氹氹轉，表面和藹可親嘅Bonnie姐就解釋，都係為挑選合適繼承人先咁做啫。
《夫妻的博奕》8月3號起 星期一至五晚 20:30 翡翠台