神婆古佩玲不捨《愛‧回家》倒數落幕 曬溫馨合照吐心聲同劉丹眼濕濕

陪伴觀眾9年半嘅《愛‧回家之開心速遞》距離落幕進入倒數階段，劇中演員同觀眾一樣好唔捨得。5年前以神婆「素素」一角加入劇組嘅古佩玲KellyKu幸運地成為長駐角色至今，同熊家上下熟絡，喺劇中仲同風少陳浚霆AndrewChan譜甜蜜戀曲，現實中亦令大眾受落，帶挈佢哋知名度同工作量。
myTV SUPER免費重溫《愛．回家之開心速遞》搞笑劇情

8月7號就係《愛‧回家之開心速遞》大結局之日，古佩玲非常不捨，喺社交平台發長文配以多張同劇組嘅照片，名為素素相冊分享感受，從照片所見，古佩玲早已融入熊家，份外親切，並逐一感謝三太樊亦敏AmyFan、KC歐瑞偉、二太蘇恩磁等，仲話自己同劉丹都不捨得眼濕濕。

古佩玲覺得自己非常幸運遇見一群真誠嘅大家，開心嘅時候一齊分享，難熬嘅時候有前輩在身邊提點，每天見到大家，都會重新充滿力量。古佩玲話加入呢個大家庭嘅時光，令佢成長不少，即使滿心不捨，但一定會再見面，所有相遇會好好珍藏在心裡。