郭可盈同林文龍近年淡出幕前享受人生，過住養尊處優嘅生活，不時帶住學霸女兒林天若（Tania）周遊列國嘆世界，女兒遺傳父母優良基因，細細個時已經樣子標緻，仲擁有逆天長腿，外貌身高更成為優勢。
近日趁住暑假，郭可盈同林文龍再次同囡囡出埠，展開放暑假第一擊，一家三口去泰國布吉，享受陽光與海灘及美食，好好慢活，年紀輕輕嘅Tania同媽咪孖公仔一樣明艷照人，完全複製爸爸媽媽靚樣，見Tania身穿Bra Top展現小蠻腰，散發出青春可人魅力。
現年56歲嘅郭可盈無論樣貌同體態都保養得宜，堪稱凍齡美女之列，令女性羨慕，其中一張相可盈素顏上陣，喺床上身穿小吊帶背心嘅照片，充滿懶洋洋又寫意嘅感覺，加上以房外泳池背景，更顯可盈嘅女性美。
