張柏芝前老爺謝賢離世後公開露面 深色打扮現身北京活動謝絕訪問

四哥 謝賢 過身之後，前新抱 張柏芝 嘅動向備受關注，眾所周知四哥相當錫柏芝，就算柏芝同霆鋒離婚後，柏芝同四哥依然維持良好互動。四哥離世消息傳出後，柏芝把社交平台頭像轉為全黑，又第一時間安排喺澳洲讀書嘅大仔Lucas返港送別爺爺，識大體嘅做法得到稱讚。

日前柏芝被目擊以全黑打扮現身北京機場，雖然有同粉絲打招呼簽名，但情緒看似低落，明顯受到前老爺離世影響心情。事隔幾日柏芝現身北京出席品牌活動，同樣一身深色打扮，柏芝雖然面帶笑容同大家打招呼，但就冇安排訪問環節，似乎唔多想談及四哥離世一事。