本周繼續由主播王鎮泉JeoffreyWong為觀眾送上電影消息，由Chris Evans飾演嘅前美國隊長今次驚喜回歸《復仇者聯盟5》，的確令好多粉絲滿心歡喜，但原來喺《復仇者聯盟4》之後，Marvel已經不斷遊說Chris，期待佢回歸系列之中。
Chris最近接受訪問話，當時Marvel嘅兩位CEO一完咗End Game已經即刻同佢食飯，話想開發一個關於美隊變成浪人嘅故事，不過Chris一直覺得時機未到，直至聽到Robert Downey Jr.回歸，佢就覺得呢個係適當時機。
今年聖地牙哥動漫展的確拋咗好多個震撼彈，除咗Ryan Gosling出演Ghost Rider同Ryan Reynolds 嘅死侍出嚟窊撈之外，最令人驚喜就係黑豹終於公布接班人選。Marvel宣布，將會搵嚟電影《異形：羅穆盧斯》嘅男演員David Jonsson飾演已故黑豹嘅兒子，而佢亦都確定會係下一任黑豹嘅人選。
本週新片速遞
《蜘蛛俠：英雄重生》：繼《 蜘蛛俠：不戰無歸》引發連場激戰後，Peter Parker（湯賀蘭飾）為咗守護大局，決定徹底「捨棄」原有身份，將自己從所有摯愛嘅記憶中完全抹除。四年過後，長大成人嘅Peter喺紐約市過住真正「隱姓埋名」嘅生活，繼續做無名英雄，點知佢身體突然產生恐怖異變，甚至威脅生命！與此同時，一連串離奇罪案席捲紐約，而隱藏背後正係Peter有史以來最強大、最深不可測嘅宿敵⋯
今個星期香港票房龍虎榜，截至7月29 中午，第1位《奧德賽》、第2位《電影多啦A夢：新・大雄之海底鬼岩城》、第3位《反斗奇兵5》。
