台灣組合頑童MJ116嘅成員瘦子，2022年同圈外女友結婚，之後生咗兩個女，一家四口幸福滿滿，因為結婚嗰陣撞正疫情，所以未有舉行婚禮。日前瘦子終於抽出時間補辦婚禮，仲要連搞兩場，分別喺台北同峇里島，一次過俾老婆雙倍幸福。
瘦子話會搞兩場婚禮係因為知道台北場要招呼賓客，所以冇辦法享受同老婆嘅專屬時刻，佢仲自爆喺峇里島見到老婆着婚紗，激動到忍唔住喊添。
兩場婚禮嘅使費保守估計都要過百萬台幣，不過瘦子有多個代言活動在手，好似呢日佢又出席運動品牌活動，所以經濟方面應該都冇乜大問題。瘦子就話多得大家厚愛，所以婚禮禮金都幫補咗唔少婚禮使費。
