王君馨（Grace）於2016年與銀行家Daniel結婚，近年由演員轉型成為歌手，去年5月誕下愛女Audrey，噚日喺社交平台開心宣布再次懷孕，曬BB超聲波照片，準備明年迎接屋企新成員，實現「三年抱兩」。
王君馨於社交平台分享家庭溫馨合照，相中見佢着淺黃色連身裙，展露幸福甜美笑容，與老公Daniel及愛女Audrey坐埋一齊，由阿女Audrey拎住超聲波照片，王君馨刻意以告示板遮肚，見告示板寫「WELCOMING BABY CHANG 2027 ♡」，預告預產期將於2027年，吸引大批圈中好友鍾嘉欣、黃智雯、岑麗香、李施嬅及黃翠如等留言送祝賀！
