荷里活影星Tom Holland 同 Zendaya 近日為電影《蜘蛛俠：英雄重生》作全球宣傳，最近佢哋就去到上海出席電影首映，當然亦有抽時間接受當地媒體訪問，不過喺眾多訪問入面，就有一位小記者引起大家關係，呢位小記者就係吳尊嘅15歲囡囡吳欣怡（NeiNei）喇！
化身小記者嘅NeiNei，以流利嘅英語專訪Tom Holland 同 Zendaya ，期間完全唔怯場，同兩位演員傾談得相當開心，而喺完成訪問後，NeiNei仲不忘為身為蜘蛛俠小迷弟嘅細佬，向Tom Holland 同 Zendaya 討要簽名，兩位聽到要求後欣然答應，Tom Holland仲讚NeiNei相當照顧細佬，讚佢做得好好呀！
而身為爸爸嘅吳尊，睇完愛女NeiNei嘅訪問片段後，都大讚囡囡表現有90分：吳尊指吳家三寶都係蜘蛛俠嘅忠實粉絲，而呢幾個月以嚟，NeiNei一直都喺度追漫威電影，當佢得知Tom Holland 同 Zendaya 要到上海宣傳電影後，就好想可以同佢哋碰面圓夢，吳尊於帖文中寫道：「從小我就教她有夢想就要勇敢努力去實現，感謝蜘蛛俠片方讓她單獨互動，我必須說NeiNei表現的90分👏🏻可惜我不能陪她但這也是讓她成長學習的方式，這經歷太難得了, 收穫也很大，我們做到了🎉🙌👍Dream big coz everyday is…A Brand New Day💪❤️」
