視后江美儀⽇前接受網上節目訪問罕有剖⽩⼊⾏多年嘅⼼路歷程，從六歲拍攝許冠傑《學⽣哥》MV，後嚟遇上鄭則仕（Kent哥）同劉松仁等嚴師教導，讓佢演技瞬間開竅，最終憑《下流上⾞族》封視后，佢亦好難忘二人合作，對阿驄完全改觀。
江美儀⾃爆六歲時曾參與許冠傑《學⽣哥》MV拍攝 ，飾演其中⼀名⼩學⽣，當⽇見飾演⼥主⾓嘅⼩演員因喊唔出被導演換人，令江美儀瞬間由路⼈變成主⾓，江美儀笑言細個已經歷娛樂圈⼈情冷暖，「你做唔到就要被⼈頂上」，當時導演問江美儀⽗⺟可否讓⼩朋友繼續拍，⽗⺟認為「玩⼀次就夠」，令江美儀錯失童星⼊⾏嘅機會。
江美儀於1996年拍第⼀部劇已經做⼥主⾓，多得鄭則仕願意⼀⼿⼀腳教佢⾛位、遷就燈光、講對⽩等基本功，有場生離死別嘅戲份，江美儀哭得聲嘶⼒竭，鼻涕⼝⽔⿑流，⾃覺表現極佳，鄭則仕卻要求佢補拍，原因係江美儀角色係社工，「⼀日⾯對咁多⽣離死別，點會喊到好似你咁，好似⾃⼰死阿媽咁」，⼀針⾒⾎指係「係江美儀喊，而唔係⾓⾊喺度喊」，江美儀直⾔幡然醒悟，從此明⽩演戲並非釋放⾃⼰情緒，⽽係演活⾓⾊當下嘅反應。
江美儀先後憑《⼥⼈最痛》、《潛⾏狙擊》及《名媛望族》三度提名最佳⼥配⾓ ，最終憑《衝上雲霄II》Head姐呢個角色奪獎。 江美儀特別感謝劉松仁嘅教導，形容鄭則仕係「基本功⽼師」，劉松仁係「提升演員層次嘅⽼師」，江美儀拍攝《潛⾏狙擊》前，劉松仁已捉佢開會做功課，要佢寫下30年嚟⾓⾊喺獄中嘅經歷，劇中⼀場出獄後重逢戲，江美儀直覺反應係要喊，劉松仁卻反問：「你30年仲喊唔夠？」劉松仁提醒江美儀激動可以有眼淚，但裡⾯⼀定有種恨。
江美儀2022年憑《下流上⾞族》封視后，坦⾔起初與林敏驄合作感到害怕，以阿驄好⾊，不受控制，⼜成日講粗口，二人合作後，江美儀對阿驄完全改觀：「佢其實係⼀個絕頂聰明嘅⼈……佢觀察所有事，知道咩時候要做啲咩。」
江美儀回憶⼀場街頭對罵戲，林敏驄笑問「接唔接得住」⼀場哭戲，江美儀挑機回應：「你喊得出嚟再講。」結果阿驄真係喊，⼀鏡完成拍攝，事後江美儀讚：「你個死佬，你好勁啊！」呢場戲⼀鏡過完成，觀眾都讚⼆⼈默契⼗⾜。
江美儀被問及對新⼀代演員嘅睇法，佢直⾔覺得新⼀代藝⼈或演員被⼈寵壞，舉例指好多新⼈連筷⼦都唔識拿，「如果你演⼀個⾓⾊係⼀個好有教養、有家教嘅，冇理由唔識揸筷⼦」，江美儀曾點醒港姐新⼈，「唔識揸筷⼦點做戲」，結果對方用三日就學識，江美儀覺得⽣活經驗對演戲⾮常重要，有時以為係⼀件微不⾜道嘅事，可能喺事業上有幫助。