劉青雲蔡少芬相隔30年再合作由戀人變仇家 鄧濤獲影帝點名讚表現出色

由邱禮濤執導、劉青雲、蔡少芬（Ada）、周家怡及鄧濤等合演嘅新戲，呢日喺半山開工，青雲喺戲中飾演私家偵探，受僱調查校園欺凌事件，青雲呢個留鬚造型令佢睇落變瘦，連Ada都讚佢fit咗。

Ada繼電影《山水有相逢》後相隔30年再與青雲合作，青雲笑稱二人當年係戀人，而家變咗仇人，青雲讚Ada保養得宜，自己就受歲月摧殘，Ada就話青雲靚仔又瘦。Ada有10年時間冇正式演出港產片，呢次打動佢客串演出，Ada話最大原因係對邱導絕對信任，青雲再次Ada合作覺得好開心，同時透露拍檔角色好關鍵。

Ada話呢次係客串演出，戲份唔多，但場場都係關鍵，佢啲對白更係字字珠璣，Ada覺得記名係最麻煩，只能夠寒靠死背，青雲都鼓勵必要時就多啲NG，唔好驚NG、唔好有壓力。鄧濤喺戲中要幫細妹尋求真相，跟青雲有大量對手戲，青雲開心今次同一眾後輩合作，更點名讚鄧濤表現出色。