姚焯菲（Chantel）即將於8月29日喺麥花臣場館舉行首個個唱，Chantel剛從加拿大完成工作回港，佢話今次行程非常充實，喺溫哥華及多倫多兩地時間既要出席記者會、擔任表演嘉賓，又要接受唔少媒體訪問，仲要向兩位樂壇前輩雷安娜同盧業瑂取經，吸收二人累積數十年嘅歌唱心得。
Chantel工作完畢後返回酒店已經係凌晨時間，除咗處理校內功課，更要同個唱導演、音樂總監、排舞師及造型師進行接近兩粒鐘視像會議，商討演唱會流程、歌單、舞蹈編排同服飾設計等，爭取時間把《姚焯菲 Chantel 想飛 Live Concert 2026》每一個細節調整至最完美。
Chantel話今次加拿大之旅只有好少休息時間，每日最期待就係同香港團隊視像會議，整個台前幕後團隊都非常一條心，想將最好嘅演出呈獻畀每位入場觀眾，希望屆時大家感受到當中嘅每份心思，喺視覺及聽覺上滿載而歸。
