標榜為香港電視史上首個現場直播玄學競賽節目《玄戰》，日前秘密展開首輪面試，據聞多名分別來自香港、澳門同內地嘅玄學界高手集結，爭奪入圍資格，力爭「一代先知」嘅榮譽。
參賽者除咗來自唔同地方，更同時出身於唔同門派與界別，其中塔羅、高感、紫微斗數、梅花易數、八字五行、占星、道術同奇門遁甲卜卦等，正式可以話係各施各法，氣氛緊張又刺激。
參賽中人身分背景各異，好似有靈魂翻譯師、御用星級風水師、問米家族後人，同自稱係北宋丞相呂夷簡第 33 代後人等，堪稱奇人異士大合集。節目將由 洪永城 陳懿德 同 甄敏芳 攜綱主持，星級玄學家 陳定幫 就擔任節目玄學顧問同評審。
想直擊一班高人即場顯神通？《玄戰》首輪直播面試將於星期二晚 20:00 以網上直播形式進行，屆時記得密切留意 ENews 現場直播，一齊見證各路玄學大師嘅強大實力啦！