45歲嘅 楊明 同39歲嘅「拿督千金」 莊思明 愛情長跑10年修成正果，星期日就會喺吉隆坡一間五星級酒店舉行盛大豪華婚禮。呢對新人日前更先出席 莊思明孖生家姐 莊思華 嘅定婚儀式，囍上加囍之下為大婚熱身。
兩人對終身大事極具心思，早前豪擲過百萬港元分別喺上海、香港名吉隆坡三地拍攝 Pre-wedding婚紗照。莊思明更挑選頂級品牌婚紗，婚禮當日仲會著當地品牌打造嘅頂級中式裙褂同手寫體刺繡嘅華麗禮服。
而一對新人亦持續於最新公開嘅放閃片段中繼續曬幸福，公開以多套華麗禮服拍攝靚相嘅花絮，仲同愛犬一齊拍攝。片中兩人身穿簡約情侶裝，同戴住「囍」字圍巾嘅愛犬擺出各種充滿愛意又溫馨嘅姿勢，洋溢住滿滿幸福感。
雖然過去楊明曾多次聲稱求婚，但直至早前於廣州拍攝婚禮短片期間，阿楊拍攝途中突發於大街向Lisa單膝下跪正式求婚，為Lisa補完最浪漫驚喜。如今兩人邁向人生另一階段，亦令人更期待星期日呢場跨國婚禮。
