周興哲 日前現身一套超級英雄電影嘅台北首映會，呢次Eric更為電影度身打造片尾曲，喺活動上亦演唱新歌，又同一眾身穿角色戲服嘅小朋友合照。
自認9歲就係呢套系列電影忠實粉絲嘅Eric，對於呢次可以唱片尾曲感到好開心，不過有人認為呢首歌嘅歌詞中英夾雜，有中文歌詞令到首歌唔夠國際化。Eric呢日開腔回應，佢就話自己寫嘅時候冇諗太多，原本設計全首歌係英文，但最後都係覺得要加返少少中文，先會更貼近亞洲對電影主題曲嘅感覺。
Eric仲話如果變成片中嘅超級英雄，最想為台北市改善塞車問題，尤其係內湖區，令大家返工放工都可以快啲返到屋企。
Eric同老婆趙岱新育有一仔一女，佢都話小朋友平時有聽佢嘅歌，但囡囡近期最鍾意嘅並唔係呢首歌，而係佢喺迷你專輯正喺籌備當中嘅另一首歌曲。