已到白熱化階段嘅《中年好聲音4》，今個星期上演十強突破之夜，今集由 林志美 擔任嘉賓評審，而 李思捷 同 何國鉦 就係呢集嘅知音人。十強都出盡法寶突破過往演出，希望觀眾同評審都有耳目一身嘅感覺。
其中 許美琪 演出前就搵戰友 鄭家聲 協助排舞，佢仲大讚多得呢位好兄弟先可以成功演出咋。而 尤淑情 就大騷性感一面，佢指平時一向自己都係「爆發型」，今次就特別以慢歌投入感情展示自己另一面。
而演唱《上海灘》嘅 蔡宓婕 同 鄭仲豪 連造型都俾足心機，兩人分別以旗袍同搖滾打扮出現爭取分數，希望大家眼前一亮呀。
《中年好聲音4》星期日晚 20:00 翡翠台