黃淑蔓 推出新歌《Hey Feanna》，呢首歌除咗有馮允謙作曲，MV男主角亦係超高顏值陣容。唔只有江博熙、楊昱謙呢兩位小師弟，仲邀請到前輩 鄭伊健 客串做黑膠唱片店老闆。伊健交足戲之餘仲化身客席主持，令訪問笑聲不斷。
Feanna就話，好開心喺7月終於拍今年Project嘅第一個MV，自己一直都好想有MV男主角，結果一嚟就得到三位靚仔助陣。而佢亦希望呢首歌可以向大家傳遞正能量，無論係沮喪定係開心嘅時候都可以聽，因為大家可能會因為日復日嘅生活而失去方向，唔記得對自己好，所以希望大家聽到呢首歌會知道「有一個人會支持你，或者你就係嗰個人，自愛亦係好重要嘅事。」
