四哥謝賢上月離世，愛女 謝婷婷 專登由加拿大趕返香港，除咗與哥哥 謝霆鋒 一齊處理爸爸後事外，亦有好好陪伴媽媽 狄波拉，安撫對方嘅情緒。
處理好四哥嘅後事、收拾好心情嘅婷婷，近間就回歸家庭，返到加拿大照顧老公同兩個小朋友，婷婷喺限時動態PO出與當地親友聚餐嘅照片，仲有細仔Brooklyn赤腳喺草地上，跟住一隻鴨仔行路嘅片段。
片中Brooklyn一路跟住喺鴨仔後面行，當鴨仔發現有個小豆丁跟住自己後，即時嚟個急轉彎，而Brooklyn因為跟唔上而跌倒坐咗喺地下，不過媽媽謝婷婷並未有即時上前扶起囝囝，反而係跟住鴨仔繼續拍；而Brooklyn亦未有因為跌倒而喊，反而自己企返起身繼續跟喺鴨仔後面，見到鴨仔停低食嘢，仲好乖咁企定定喺旁邊睇，相當可愛。
