《愛．回家之開心速遞》即將告別觀眾，當中最令大家牽腸掛肚嘅，當然係熊家一眾成員喇，而初期一眾「香港島大學」嘅學生，如今都已名有發展，其中 吳偉豪 對當年其中一集萬聖節劇情，齊齊排練米高積遜經典歌曲MV舞步印象非常深刻。
而 林凱恩 就認為同 周嘉洛 齊齊古裝上陣化身手遊角色嘅一段戲中戲最為難忘喇。而 鄺潔楹 古佩玲 當時加入《愛．回家》時仍屬新人，當然就覺得非常新鮮又有趣啦。
咪以為得年青演員拍得開心，其實經驗豐富嘅「譚校長」，對囡囡同安仔拍拖嘅苦肉計，為求效果好淋到一身紅油親身上陣，就令佢非常滿意喇。
一眾男同學仔當年裸露半身上陣齊齊淋浴亦係經典場面，而安仔呢日就被一眾家人踢爆，每逢要騷肌前都會狂做拳上壓谷肌上陣喎。
《一周星星》星期日晚 22:35 翡翠台