《愛．回家》演員共事多年，大家都已成為家人一樣嘅存在，各人都會紛紛為其他同事製造唔同生日驚喜，人數眾多就自然驚喜一浪接一浪喇。之但係大家相處咁耐，有咩詭計難以隱瞞，要呃住大家扮鬼扮馬都唔係易事，所以 滕麗名 都笑指，要扮有驚喜唔好掃興都係必備技能之一呀。
當中至鬼馬嘅豹哥，雖然曾試過生日開工，被Chantel帶風向直指冇準備，不過眉精眼企嘅佢就玩拆穿大家嘅戲碼，反將大家一軍喇。
至於 龔燁 亦提到，自加入之後就每一年都獲大家準備慶祝。大家仲分享除咗開工之外，不時都會相約見面，仲指大家早已有如家人一樣，從冇夾唔到或者大家面阻阻嘅情況。
《一周星星》星期日晚 22:35 翡翠台