喺《愛．回家之開心速遞》嘅熊家當中，以 周嘉洛 嘅輩份嚟計，全家都係佢嘅大前輩，所以佢喺拍劇時論資排輩有排都未輪到佢萬歲，佢都有喺《一周星星》中同觀眾分享好難先可以請大家食嘢，因為公公 劉丹 多年來包辦咗喺公司餐廳食飯，嘉洛同 滕麗名 指粗略估計9年半，丹爺起碼使咗幾十萬同大家食飯。
而叔公 單立文 又每次都會親自嗌餸加餸令態家上下更溫飽滿足，咖啡方面就由阿滕同 呂慧儀 負責，所以成個劇組嘅口味同個別要求，公司餐廳都好貼心知道，每次為佢哋悉心準備，令熊家上下都好唔捨得呢杯「熊家咖啡」。
《一周星星》星期日晚 22:35 翡翠台