黃翠如 同 蕭正楠 婚後誕下囝囝 蕭哈哈 ，一家三口過住幸福美滿嘅生活，不過早前翠如到阿蕭登台嘅現場力撐老公，一張相就被認為翠如肚仔漲卜卜似乎再次有喜，正當大家都準備再次恭喜佢哋時，翠如就親自回應指自己只係肥咗咋。
呢日現身活動嘅翠如，身穿一條有腰帶嘅短裙，亦再次解畫指自己並非有孕，而自相片廣傳之後，已經痛家思痛落力減肥，仲話身為媽咪後就變成橡筋肚，高低幅度可以非常誇張，加上當日於後台瘋狂嘆美食，所以一個唔小心就被大家發現醜態喇。
佢又話雖然過往都唔算太嚴格管理身材，不過就一直怕被見到小肚腩而避免緊身打扮，仲話身為媽媽後有肚腩係閒事喎。阿蕭近年不時都出門工作，所以同囝囝相處時間都少咗，佢仲話囝囝一見到爸爸喺屋企就主動爬到爸爸身上，令日日陪住哈哈嘅自己被冷落呀。
