TVB全新處境劇《愛．回家之三代同糖》將於8月10日喺翡翠台播出，一眾主演車婉婉、吳若希、李茵彤及趙浚承連日忙於為劇集拍外景。車婉婉喺劇中飾演女主角「唐曹嘉冰」以素人身分，參加劇中歌唱比賽「當年好聲音」海選，並選唱《會過去的》，而趙浚承就坐評審席飾演評審。
婉婉話內心深處想參加《中聲》嗰團火展現出嚟，今次圓咗參賽夢，婉婉笑趙浚承參賽時，行去評審張櫈都唔夠膽，今次趙浚承終於可以扮吓，趙浚承話今次係模仿周國豐老師，又話有畀高分予婉婉姐，婉婉就話：「佢頭先想叮咗我！」
TVB歌唱真人騷《中年好聲音4》總決賽舉行在即，婉婉對選手們信心十足，交出最好嘅表現，大讚佢哋既優秀又叻。雖然婉婉忙於拍劇，不過佢完全冇忽略《中聲4》，埋位做主持前，有要求早啲睇資料，事前做足功課，已預備用一日時間去睇選手嘅綵排。
今次劇中唔少演員係唱得之人，呢集有婉婉開金口，吳若希對於劇集主題曲係邊個唱就大賣關子！
