最近因為美國政府公開唔少被視為高度機密嘅檔案，令外界對外星人同UFO話題掀起討論熱潮，全新節目《呢度都有外星人》星期一已經正式推出，呢日主持 陸浩明 羅毓儀 同 馮熙燮 ，就同一班幕後人員一齊切燒豬拜神，預祝節目順利喇。
原來幾位主持對呢呢種神秘話題有非常濃厚興趣，今次有份主持就開正佢哋嗰瓣喇。6號仲話有份主持同接觸更多神秘檔案非常開心，加上節目邀請專家一齊講解就可以了解更多喇。而Yuki就希望節目會遇到難以解釋嘅事，咁就肯定令收視爆燈咁話，而6號仲指Yuki身形就似乎足檔案中形容嘅外星人身形，都唔知佢主持時會唔會現真身咁話呀。至於Ryan就話不時都上網狂刨相關影片，加上首次做主持就更要認識更多喇。
佢哋將會實地對香港各區尋找UFO，仲話拍到非常特別嘅影片，而新節目仲歡迎觀眾即時留言，大家一齊即時互動。
Yuki同Ryan都係歌手，佢哋就話想以節目主題作返首歌Jam吓，仲話要搵監製傾傾研究吓呀。
《呢度都有外星人》星期一晚21:30、星期二晚21:35 TVB Plus
