比賽嚟到白熱化階段嘅《中年好聲音4》，星期日晚播出一集， 周志康 將首奪佢參賽10個月以來首次MVP佳績，評審 林志美 宣佈成績時，阿康更感動到熱淚滿盈，佢受訪時仲非常激動，指一直都想得到MVP證明自己，呢次如願非常滿足呀。
重溫《中聲4》激烈比賽過程
阿康仲指非常留意網民嘅留言，更指自己並非無火，而係慢火，多謝大家一直支持自己咁話。而一直場場支持嘅太太亦係重要功臣，周太就爆參賽以來阿康唔止體力上冇停，就連思緒都完全投入喺比賽當中，非常感覺到老公嘅辛苦呀。
呢集係「突破之夜」，林志美就指由10強中揀至突出嘅一人非常困難，因為每一位都非常努力，而阿康呢晚演出就令人驚喜喇。而繼續帶病上陣嘅 陳旭培 呢集無奈演出狀態普通，雖然分數唔算理想，不過佢就話會繼續努力奮戰呀。
《中年好聲音4》星期日晚 20:00 翡翠台
