中聲唱將黃博日前舉行一連兩場音樂會，博博除咗獻唱咗新歌之外，仲演繹咗自己私藏歌單，同樂迷一齊分享好歌，而喺演繹《零時十分》呢首歌時，博博嘅爸爸亦驚喜現身，更吹色士風為囡囡伴奏，兩父女難得同場演出，真係好温馨啊﹗
博博呢晚請嚟久未喺香港演出嘅林二汶做嘉賓，兩人惺惺相惜，二汶仲鼓勵黃博要繼續堅持自己嘅音樂夢。呢晚除咗博博嘅爸爸到場支持之外，博博嘅老公峰哥當然有喺後台幫手啦，唔單止有家人嘅愛，呢晚嚟撐博博嘅中聲家族同粉絲，一樣令博博好感動啊，不過，博博話台上望到張佳添同周國豐老師時，的確有啲驚㗎！
黃博舉行音樂會以歌會友 獲爸爸吹色士風伴奏
