張與辰呢日現身馬來西亞出席一個網絡平台舉行嘅文化之夜活動，同場藝人仲有內地演員任嘉倫、李晨。與辰呢次唔只喺活動上演唱《Romantoxic》、《I Found My Way》，更獲平台頒發「馬來西亞年度全能音樂創制先鋒奬」。
與辰喺分享得奬感言時，就話好開心可以返到馬來西亞拎呢個奬項，雖然一路走過嚟喺深耕音樂路上經歷唔少挑戰，但所有堅持係格外值得。
而與辰嘅音樂路上經歷高高低低，佢特別感激歌迷一路支持，同埋奬項嘅肯定。與辰仲話呢個平台嘅奬項係佢第二次拎，第一次係喺澳門拎，第二次就係返家鄉馬來西亞，真係好感動，佢亦承諾會繼續做好音樂。
