《中年好聲音》嘅各屆參賽者，參與漫長嘅競賽後唔少都成為好朋友，大家除咗對唱歌有熱情之外，亦會於生活上互相幫忙，好似一向大大隻嘅 劉洋 就不時陪住 李金凱 喇。而最近劉洋決心要健身減肥保健康，就由另一中聲Fit爆女將，身為合格教練嘅 曹越 指導喇。
劉洋近日正式開始健身，首日就先以5公里慢跑開始，跑到身水身汗嘅佢似乎因為多巴胺而心情睇落非常愉快。而之後一日曹教練就上場，正式指導劉洋向種訓練，跑完步就用唔同器械去運動全身各部位嘅肌肉，而劉洋態度就非常正面，更不時同自己加油自我激勵，真係非常期待見到減走大肚腩變得結實嘅劉洋更有型嘅形象呀。
