關心妍 日前舉行巡迴演唱會澳門站，開騷前夕係Jade嘅生日，呢場生日專場特別邀請到同期出道嘅好友 蕭正楠 做嘉賓，有阿蕭在場一定冇冷場。
阿蕭話好開心踏上舞台同Jade一齊慶祝，兩人雖然同期出道，但阿蕭因為年紀大過Jade，所以佢笑言叫對方唔好成日都曝露年齡，因為佢對外報稱自己只有35歲，阿Jade好驚訝話唔知道自己比阿蕭年紀細，兩人互動場面搞笑。
阿蕭同Jade難得同台，當然要獻唱返當年佢哋嘅經典K歌《特別鳴謝》，令現場觀眾勾起回憶。明年就係Jade出道25年，回望過去佢都感觸良多，獻唱《那些傷我也有過》時，更忍唔住落淚邊喊邊唱。之後Jade有感而發話感恩可以同大家一齊過生日，經歷呢廿幾年一啲都唔容易，相信在場每一位歌迷都一樣。
