何沛珈 喺8月1迎接30歲生日，正因為係呢個重要日子，特別挑選正日生日同一班粉絲仲有契仔㛃女搞生日會慶祝，亦係佢首度同粉絲聚會。Roxanne唔單只同粉絲們親民玩遊戲，更苦練歌喉獻唱回饋粉絲多年支持。
Roxanne除咗做主持之外，有份主演嘅集《非份之罪》同《夫妻的博弈》先後推出，前者角色講述三角關係單元故事中Roxanne表現亮眼，播出後引發關注，加上劇集收視成績理想，Roxanne視呢份為最大嘅生日禮物。
另一個焦點係Roxanne同前度 阮浩棕 上演親熱激咀戲，獻出咗螢幕初吻，Roxanne坦言當時對手係Nic令佢緊張尷尬程度減低，但由於拍攝現場太多人，憶述當時感覺就好似手踭互相磨擦一樣。
Roxanne經過多年努力獲得粉絲認同，至於點解等到今年先舉辦粉絲聚會，佢好老實指之前發起時擔心冇粉絲支持，於是就以工作為由取消咗，但今年竟然有咁多人參加令佢好開心，會繼續努力報答粉絲。