Chantel暑假行程滿加拿大見小菲象 返港即投入月底個唱綵排

Chantel 姚焯菲 雖然正放暑假，不過今次假期就非常充實，先係到加拿大登台演出，仲趁難得機會同當地小菲象見面，更有Fans由佛羅里達洲飛到多倫多，Chantel仲約埋展居當地嘅 雷安娜 老師相見呀。

一返港佢就要為月底舉行嘅演唱會準備，得返廿零日雖然非常緊逼，不過Chantel就指會全力投入俾心機綵排，仲叫大家集合俾信心佢喎。呢日佢又提到歌單已經大致確定，而嘉賓亦已安排妥當，仲話希望 MC張天賦 有機會現身咁話喎。

完騷後就要返美國繼續返學嘅佢，就話時間過得太快，唔太捨得又要離港呀。