玄戰｜各路高手電視城接受直播測試 麥兆恒覃寶瑜奇招嚇窒主持觀眾

香港電視史上首個直播玄學競賽節目《玄戰》月底就會播映，節目收到超過400位來自世界各地嘅高手報名，呢日一眾來自各門派精通各種卜卦術數嘅幾十名參賽者，就現身電視城接同直播面試喇。

而主持 洪永城  陳懿德 同 甄敏芳 事前仲一早向顧問主持 陳定幫 師傅請教玄學知識，Tony就笑指係因為以免出醜，所以就要惡補了解當中嘅道理喇。

myTV SUPER重溫完整面試直播

而呢日評審 麥玲玲 同 徐家晴 就對甄選各有準則，仲話面對幾十位各路高手會拭目以待呀。一眾參加者被分為高感組、八字奇門組同塔羅占星組，仲要即時接受節目組安排嘅考驗，好似要推敲幕後人員嘅家人離世時間同原因時，15號 麥兆恒 就幾乎完全講中，令現場主持同網上觀眾都大叫驚奇。

而直播尾聲一眾參加者集合，即場估當晚六合彩搞珠嘅顏色組合，其中25號 覃寶瑜 就成為惟一估中各號碼所有顏色組合嘅參加者，令全場都讚嘆佢嘅精準。來自珠海嘅佢話，到場先靠香港參加者講解六合彩規則，以高感感應整個組合。